“ჩვენი ლეგენდა აღარ ხარ“ - ბარსას გულშემატკივრები სუარესს აკრიტიკებენ

ლა ლიგის გასულ ტურში მრავალწლიანი პაუზის შემდეგ, მადრიდის ატლეტიკომ ბარსელონა სტუმრად 2:1 დაამარცხა.

როგორც ცნობილი გახდა, მატჩის დასრულების შემდეგ, ბლაუგრანას და როხიბლანკოს ყოფილმა თავდამსხმელმა ლუის სუარესმა, მადრიდულ გუნდს გამარჯვება მიულოცა და სიმბოლური საკვები გაუგზავნა.

ეს ფაქტი კი ბარსას გულშემატკივრების გარკვეულ ნაწილს არ ესიამოვნა და ვეტერანი ურუგვაელი მწვავედ გააკრიტიკეს. ამის შესახებ ინფორმაციას ფაბრიციო რომანო ავრცელებს:

„შენ ჩემი პატივისცემა დაკარგე ლუის, რატომ გძულვართ ასე?“

„როგორ შეგიძლია იყო ბედნიერი ატლეტიკოს გამარჯვებით ბარსელონასთან? რას გრძნობ ახლა? ასე რთული იყო, რომ ეს საჩუქრები არ გაგეგზავნა? თუ ამ მომენტს დიდი ხნის განმავლობაში ელოდი?

„შენ უღალატე გულშემატკივრებს, რომლებსაც 10 წელზე მეტია უყვარხარ. შენ დღეიდან ჩვენი ლეგენდა აღარ ხარ“.

შეგახსენებთ, რომ ლუის სუარესი 2014/2020 წლებში სუარესი ბარსელონას ღირსებას იცავდა და უამრავი ტიტული მოიგო. კატალონიური გრანდის დატოვების შემდეგ, ურუგვაელი მადრიდის ატლეტიკოში გადავიდა, სადაც გუნდს ლა ლიგის მოგებაში დაეხმარა. ახლა კი კარიერის ბოლო წლებს ინტერ მაიამიში ატარებს.