მბაპე: “თანაგუნდელებს ახლა უკეთესად ვიცნობ“
კილიან მბაპე კარგ ფორმაში შევიდა. ფრანგმა სუპერვარსკვლავმა ზედიზედ 4 მატჩში გაიტანა გოლი. განსაკუთრებით მაგარი გოლი გამოვიდა ლა ლიგის გასულ ტურში სევილიას წინააღმდეგ.
აღნიშნული მატჩი მადრიდის რეალმა 4:2 მოიგო. შეხვედრის დასრულების შემდეგ, კილიანმა კომენტარი გააკეთა.
რა თქვა მბაპემ?
„პირველ ტაიმში ყველაფერი კარგად გავაკეთეთ. კარგი გოლები გავიტანე და ყოველთვის შეტევაზე ვფიქრობდით. ვფიქრობ, დღეს მადრიდისტები ბედნიერები არიან. ვფიქრობ, თანაგუნდელებს ახლა უკეთესად ვიცნობ. გუნდში ახალი ვიყავი და ამან ბევრი რამ შეცვალა. როგორც ანჩელოტიმ თქვა, ჩემი ადაპტაცია დასრულდა და თავს კარგად ვგრძნობ.
მოედანზე ხედავთ, რომ მე უკეთ მესმის ჩემი თანაგუნდელების და უკეთესად ვთამაშობთ. კიდევ ბევრი რამის გაკეთება შემიძლია. ბილბაოსთან ცუდმა თამაშმა კარგი შედეგი მომიტანა. ფსკერზე ჩავედი, პენალტი გავაფუჭე და მივხვდი, რომ გაუმჯობესებისთვის იმაზე მეტი უნდა გამეკეთებინა, ვიდრე ვაკეთებდი. ამ მაისურისთვის ყველაფერი უნდა გავცე.“
შეგახსენებთ, რომ კილიან მბაპემ სეზონი ცუდად დაიწყო და ისეთ დონეს ვერ აჩვენებდა, როგორსაც მისგან ელიან.
ბოლო პერიოდში კი ფრანგი სუპერვარსკვლავი დიდებულ ფორმაშია და როგორც უკვე მოგახსენეთ 4 მატჩში 4 გოლი გაიტანა. ჯამში კი გადმოსვლის დღიდან, რეალის რიგებში, ყველა ტურნირზე ერთად 24 მატჩში მიიღო მონაწილეობა, 14 გოლი გაიტანა და 4 საგოლე გადაცემა შეასრულა.
