ზედიზედ მეორედ - უსიკმა ტაისონ ფიური დაამარცხა
საუდის არაბეთის დედაქალაქ რიადში, კრივში მორიგი ისტორიული დაპირისპირება გაიმართა. ოლექსანდრ უსიკი ტაისონ ფიურის კიდევ ერთხელ შეხვდა და ზედიზედ მეორედ დაამარცხა.
გულშემატკივრებმა საოცარი 12-რაუნდიანი ბრძოლა იხილეს, რომელშიც გადამწყვეტი უპირატესობა არცერთ მებრძოლს არ მოუპოვებია, თუმცა რიგ ეპიზოდებში უკრაინელი უკეთესი იყო. ბრძოლის დასრულების შემდეგ, მსაჯების ერთსულოვანი გადაწყვეტილებით გამარჯვებული უსიკი გახდა.
როგორც უკვე მოგახსენეთ, უსიკმა ტაისონი ზედიზედ მეორედ დაამარცხა, კარიერაში კი რიგით 23-ე გამარჯვება იზეიმა, თანაც ისე, რომ არასდროს დამარცხებულა.
რაც შეეხება ფიურის, ინგლისელმა კარიერაში მეორედ წააგო და ორივეჯერ უსიკთან. ასევე, ტაისონის ერთი ბრძოლა ფრედ დასრულდა.
