დიდებულ ფორმაშია - მიქაუტაძემ საფრანგეთის თასზე გაიტანა და ლიონს მოაგებინა
საფრანგეთის თასის 1/32-ფინალში ლიონი სტუმრად ფინის-ოლნოუს დაუპირისპირდა და 2:1 დაამარცხა.
გამარჯვებაში თავისი წვლილი გიორგი მიქაუტაძემაც შეიტანა, რომელიც, სამწუხაროდ ძირითად შემადგენლობაში არ მოგვევლინა.
ქართველი ფეხბურთელი მინდორზე 67-ე წუთზე ლაკაზეტის ნაცვლად ჩაერთო. 88-ე წუთზე კი ბენრამას იდეალური პასი გოლად აქცია.
ჟორჟი მოწინააღმდეგე გუნდის მეკარესთან პირისპირ აღმოჩნდა და ძლიერი დარტყმით შანსი არ დაუტოვა. ლიონი საფრანგეთის თასის შემდეგ ეტაპზე გავიდა.
შეგახსენებთ, რომ ქართველი თავდამსხმელისთვის მიმდინარე სეზონში, ყველა ტურნირზე ერთად ეს რიგით მე-7 გოლი იყო.
