ფედელე: როცა კვარას აკრიტიკებთ, ერთ რამეზე დაფიქრდით
წარსულში საფეხბურთო აგენტი, „პარმას“ სპორტული დირექტორი და ამჟამად ექსპერტი ენრიკო ფედელე „ნაპოლის“ შესახებ საუბრობს და ხვიჩა კვარაცხელიას კრიტიკოსებისგან იცავს.
„ანტონიო კონტემ ნათლად დაგვანახა, როგორია მისი სათამაშო სტილი და რომელ ფეხბურთელებზე სურს ფოკუსირება. რომელ მოთამაშეებს ტვირთავს ის ყველაზე მეტად. თუ, ხვიჩა კვარაცხელია ბევრ გოლს გაიტანს მაშინ, როცა ის საუკეთესო კონდიციებში არ არის, როგორც ეს ხანდახან ხდება, წარმოიდგინეთ, რას შეძლებს ის, როდესაც ფორმაშია...
როცა ხვიჩა ფორმაშია, ამ დროს ნაპოლის შეჩერება ურთულესია. ხანდახან მას აკრიტიკებენ, მაგრამ ავიწყდებათ, რომ ქართველმა ამ სეზონში უკვე 5 გოლი გაიტანა და 3 საგოლე გადაცემა შეასრულა. ვფიქრობ, იდეალური ნაბიჯი იქნება, თუ კონტე მას მომდევნო შეხვედრებში უფრო წინ წაწევს, როდესაც ის კონდიციებს სრულად აღიდგენს. მან მეტოქის კართან უფრო ახლოს უნდა ითამაშოს“.
- განაცხადა ფედელემ Radio Marte-ს ეთერში.
შეგახსენებთ, რომ ხვიჩა ტრავმის შემდეგ ნაადრევად დაბრუნდა და „ჯენოასთან“ წლის ბოლო მატჩში ანტონიო კონტეს განკარგულებაში იქნება.
