ალექსანდრე თოფურიას დებიუტი UFC-ში - მეტოქე და თარიღი ცნობილია
ცოტა ხნის წინ ცნობილი გახდა, რომ ილია თოფურიას ძმა ალექსანდრე თოფურიას UFC-ში დებიუტი 2025 წლის 9 თებერვალს შედგება.
28 წლის თოფურია სუპერმსუბუქ წონაში 26 წლის ავსტრალიელ კოდი ჰატონს დაუპირისპირდება. მათი ბრძოლა UFC 312-ზე შედგება.
კოდი ჰატონს აქამდე MMA-ში 9 ბრძოლა აქვს გამართული, საიდანაც 8 მოიგო და 1 ფრედ დაასრულა. მის ანგარიშზე უკვე მიჯრით 6 გამარჯვებაა. ავსტრალიელისთვის ეს UFC-ში გამართული სადებიუტო ბრძოლა არ იქნება. მან ოქტომბერში დენ არგეტას წინააღმდეგ იჩხუბა და მსაჯთა ერთსულოვანი გადაწყვეტილებით გაიმარჯვა.
რაც შეეხება ალექსანდრე თოფურიას, მან MMA-ში 5-დან ხუთივე ბრძოლაში ფინიშით იმარჯვა, მისი ერთადერთი მარცხი კი 2015 წელს, ივო ივანოვთან იყო და ტექნიკური ნოკაუტით წააგო. ილიას მსგავსად, ალექსანდრეც მრავალმხრივი მებრძოლია და როგორც პარტერში, ისე დგომში გამოირჩევა.
View this post on Instagram
