ინტერესი სხვასაც აქვს - წიტაიშვილის ბულგარეთში ტრანსფერი ჩაშლის პირასაა

რამდენიმე დღის წინ, ბულგარული პრესა იუწყებოდა, რომ სოფიის ცსკა „გრანადაში“ მოთამაშე გიორგი წიტაიშვილის ტრანსფერით ინტერესდებოდა. ამ ტრანსფერის ალბათობა თავიდანვე საკმაოდ მცირე იყო, დღეს კი პრაქტიკულად გამოირიცხა.

ბულგარული Тема Спорт-ის ცნობით, სოფიის ცსკა-ში წიტაიშვილის ტრანსფერი ჩაშლის პირასაა. წყაროს ცნობით, ქართველი ფეხბურთელის მიმართ ინტერესი სხვა კლუბებსაც აქვთ და მათ ფონზე ბულგარელთა წინადადება საინტერესოდ აღარ ჩანს.

წიტაიშვილი კიევის „დინამოს“ საკუთრებაა და მის ბედს 2026 წლამდე სწორედ უკრაინული კლუბი გადაწყვეტს.

დაუდასტურებელი ინფორმაციით, ბულგარელები „დინამოს“ დაახლოებით მილიონ ევროს სთავაზობენ. ახალი წლიდან კი შეეცდებიან შეთავაზება გააუმჯობესონ და წიტაიშვილის თაობაზე მორიგი წინადადება გაგზავნონ.

შეგახსენებთ, რომ საქართველოს ეროვნული ნაკრების 24 წლის ფეხბურთელს კიევის „დინამოსთან’’ კონტრაქტი 2026 წლის ზაფხულამდე აკავშირებს, ერთწლიანი იჯარით „გრანადაში'' თამაშობს. წიტაიშვილმა ლა ლიგა 2-ის მიმდინარე სეზონში 14 მატჩში (12 სასტარტოში) 1 გოლი გაიტანა და 1 საგოლე პასი შეასრულა. ასევე, ესპანეთის თასზე 2 მატჩი ჩაატარა.