„დაუფასებელი“ | ჩემპიონშიფის X-ის ოფიციალური გვერდის პოსტი ჩაკვეტაძეზე
„უოტფორდის“ ქართველი ფეხბურთელი, გიორგი ჩაკვეტაძე მიმდინარე სეზონში შესანიშნავად გამოიყურება. „ჩაკვეს“ სტატისტიკაზე ყურადღება ინგლისის რანგით მეორე დივიზიონის, ჩემპიონშიფის X-ის (ყოფილი ტვიტერი) გვერდმაც გაამახვილა და მას „დაუფასებელი“ უწოდა.
„ჩემპიონშიფის მიმდინარე სეზონში, უოტფორდის ფეხბურთელმა, გიორგი ჩაკვეტაძემ თამაშიდან უფრო მეტი შანსი შექმნა, ვიდრე ნებისმიერმა სხვა მოთამაშემ. ასევე, შესრულებული დრიბლინგების რაოდენობით, ის მეორე ადგილზეა. დაუფასებელი“, - ნათქვამია სოციალურ ქსელში გამოქვეყნებულ პოსტში.
???? @WatfordFC's Giorgi Chakvetadze has created more chances from open play than any other player in the #SkyBetChampionship this season!
— Sky Bet Championship (@SkyBetChamp) December 19, 2024
He's also completed the second most dribbles ????
Underrated ????#EFL pic.twitter.com/ArcSgCePZO
ცნობისთვის, ჩემპიონშიფის 21 ტურის შემდეგ, „უოტფორდს“ 34 ქულა აქვს და სატურნირო ცხრილის მე-7 პოზიციას იკავებს. „კრაზანებს“ 20 თამაში აქვთ გამართული და მომდევნო შეხვედრა 21 დეკემბერს, „ბარნლის“ წინააღმდეგ ელით. მატჩი თბილისის დროით, 19:00-ზე დაიწყება.
ჩაკვეტაძეს რაც შეეხება, გიორგის კარგი თამაში პრემიერ ლიგის წარმომადგენლების ობიექტივში მოექცა. მისით „ევერტონი“, „ლესტერი“ და „ვულვზი“ ინტერესდებიან და „უოტფორდი“ „ჩაკვეს“ სანაცვლოდ 20 მილიონ გირვანქა სტერლინგს მოითხოვს.
