“ძალიან ბედნიერები ვართ“ - ანჩელოტი ფინალის მოგების შემდეგ

საკონტინენტთაშორისო თასის ფინალში მადრიდის რეალი პაჩუკას დაუპირისპირდა და მარტივად 3:0 დააფიქსირა.

მატჩის დასრულების შემდეგ, სამეფო კლუბის მთავარმა მწვრთნელმა კარლო ანჩელოტიმ ჟურნალისტებთან ისაუბრა.

რა თქვა ანჩელოტიმ?

„ბევრი ტიტული დამიგროვდა, ძალიან ბედნიერი ვარ. ეს არის წარმატება. მატჩის დასაწყისი კარგი არ იყო, მაგრამ შემდეგ კონტროლი დავამყარეთ და ყველაფერი ადვილი გახდა. ხარისხში აშკარა განსხვავება იყო. შეტევაში თამაში მომეწონა, რადგან განსხვავების შექმნა შევძელით.

შეტევაში კარგად ვითამაშეთ და კილიან მბაპეს ბრწყინვალე მატჩი ჰქონდა. ასევე მინდა გამოვყო როდრიგო, რომელიც საკმაოდ ნაყოფიერი იყო. ჩვენ ახლა ძალიან ბედნიერები ვართ, რადგან ეს თამაში სეზონის ამ პერიოდში ადვილი არ არის. ვულოცავ ყველა მადრიდისტას.“

შეგახსენებთ, რომ საკონტინენტთაშორისო თასის მოგების შემდეგ, კარლო ანჩელოტიმ მადრიდის რეალის ისტორიაში ყველაზე ტიტულოვანი მწვრთნელი გახდა. იტალიელმა სპეციალისტმა ბლანკოსში 15 ტიტულს მოუყარა თავი და ამ შედეგით ლეგენდარულ მიგელ მუნიოზს გადაასწრო, რომელსაც 14 თასი აქვს მოგებული.