დი მარია: “კარიერის საუკეთესო მოვლენა? მესისთან ერთად თამაში“

ანხელ დი მარია კარიერის ბოლო წლებს ითვლის. ზუსტად 2 წლის წინ, ამ დღეს ვეტერანი ნახევარმცველი არგენტინის ნაკრებთან ერთად მსოფლიოს ჩემპიონი გახდა.

ამასთან დაკავშირებით, ანხელს DSports Radio დაუკავშირდა და კომენტარის გაკეთება სთხოვა.

რა თქვა დი მარიამ?

„ჩემს კარიერაში მესისთან ერთად თამაში საუკეთესო მოვლენა იყო. ჩვენ ძალიან კარგი მეგობრები ვართ. ლეო პატარა ბიჭია ფენომენალური ნიჭით მოედანზეც და მის მიღმაც. პარი სენ ჟერმენიდან წასვლის შემდეგ, მასთან მივედი და ვუთხარი: „მადლობა, რომ მომეცი ეს ყველაფერი.“

შემეძლო, თუ არა მასთან ერთად ბარსელონაში თამაში? იმ პერიოდში არა, რადგან მადრიდის რეალის ფეხბურთელი ვიყავი. მე მხოლოდ ის მინდოდა, რომ მასთან ერთად მეცხოვრება იმ წლების განმავლობაში და ასეც მოხდა. ეს იყო რაღაც განსხვავებული.“

შეგახსენებთ, რომ დი მარია და მესი არგენტინის ნაკრების გარდა ერთად პარი სენ ჟერმენშიც თამაშობდნენ.

ასევე შეგახსენებთ, ანხელა მსოფლიო ჩემპიონატის მოგებაში უდიდესი წვლილი შეიტანა. მან საფრანგეთის ნაკრებს გოლი გაუტანა და პენალტი მოიპოვა, რომელიც ლიონელმა ზუსტად შეასრულა.