გოგლიჩიძეს დიდი პროგრესი აქვს | Transfermarkt-მა სერია A-ს ფეხბურთელთა ფასები განაახლა
Transfermarkt-მა იტალიის სერია A-ში მოთამაშე ფეხბურთელების სატრანსფერო ფასები განაახლა და ცვლილებები ქართველებსაც შეეხოთ. ხვიჩა კვარაცხელიასა და საბა გოგლიჩიძის ფასმა მოიმატა, საბა საზონოვის ღირებულება კი შემცირდა.
„კვარას“ ფასი 80 მილიონი ევროდან 85-მდე ავიდა. ხვიჩამ ნიკოლო ბარელა ჩამოიტოვა და სერია A-ში მეორე ყველაზე ძვირადღირებული ფეხბურთელია. ქართველი გარემარბი მხოლოდ ლაუტარო მარტინესს ჩამორჩება, რომელიც Transfermarkt-ზე 100 მილიონი ევრო ღირს.
Neue Marktwerte in der Serie A! ???????????? Mit dabei viele aus Deutschland bekannte Gesichter wie Marcus Thuram, der sich weiter steigert, während Mats Hummels auf den niedrigsten Stand seit 2008 fällt...
— Transfermarkt (@Transfermarkt) December 18, 2024
???? Alle Infos zum Update hier im Artikel: https://t.co/u4NWe5OCPc… pic.twitter.com/NTx5sZkC2f
დიდი პროგრესი აქვს საბა გოგლიჩიძეს. 20 წლის ქართველი მცველი შესანიშნავად გამოიყურება და მისი სატრანსფერო ფასი 3 მილიონი ევროთი, 5-დან 8-მდე გაიზარდა. გოგლიჩიძე, ჯაკოპო ფაცინისთან ერთად, „ემპოლის“ ყველაზე ძვირადღირებული ფეხბურთელია.
დაბოლოს, საზონოვის ღირებულება 2.8 მილიონი ევროდან, 2.5-მდე შემცირდა, რაც გასაგებიცაა. ქართველ უკანახაზელს ტრავმა აწუხებს და სექტემბრის შემდეგ არ უთამაშია. საბა ინდივიდუალურად ვარჯიშობს და იმედი ვიქონიოთ, რომ მოედანს მალე დაუბრუნდება.
