„მსოფლიოს პატივისცემა უნდა დავიბრუნოთ“ - რონალდოს ბრაზილიის ფეხბურთის ფედერაციის პრეზიდენტობა სურს
ლეგენდარულ რონალდოს ბრაზილიის ფეხბურთის ფედერაციის პრეზიდენტობა სურს.
„კიჭამ“ დღეს ბრაზილიის ფეხბურთის კონფედერაციის ხელმძღვანელის პოსტზე თავისი კანდიდატურა ოფიციალურად წამოაყენა.
არჩევნები 2025 წლის მარტიდან 2026 წლის მარტამდე პერიოდში გაიმართება.
რონალდომ აღნიშნა, რომ იმედოვნებს, უახლოეს მომავალში „ვალიადოლიდის“ გაყიდვის პროცედურას დაასრულებს და სრულად გადაერთვება თავის ახალ მიზანზე.
„ასობით მოტივი მაქვს, მაგრამ ყველაზე მნიშვნელოვანი ის არის, რომ ბრაზილიურ ფეხბურთს კვლავ სცენ პატივი მთელ მსოფლიოში.
ქუჩებში ხალხი ჩერდება და მთხოვს ისევ ვითამაშო, რადგან ნაკრებში საუკეთესო სიტუაცია არ არის, როგორც მოედანზე, ასევე მის ფარგლებს მიღმა“,
- განაცხადა რონალდომ.
შეგახსენებთ, რომ რონალდომ ლა ლიგის ბინადარი „ვალიადოლიდი“ 2018 წელს შეიძინა, თუმცა მისმა პროექტმა ვერ გაამართლა. თავადაც თვლის, რომ რაც მას სურდა, ის არ გამოვიდა. ახლა კი ბრაზილიელი კლუბის გაყიდვას ცდილობს.
