სწორი მარკეტინგული სვლა - ლებრონის შვილი რეკორდსმენია

სუფთა სპორტული მხარისგან განსხვავებით, ბრონი ჯეიმსმა მარკეტინგული თვალსაზრისით „ლეიკერსის“ ხელმძღვანელების იმედები ასი პროცენტით გაამართლა. გავრცელებული ინფორმაციით, ლოს-ანჯელესის კლუბმა უმცროსი-ჯეიმსის 500 ათასი მაისურის რეალიზაცია შეძლო, რითაც 50 მილიონი დოლარი გამოიმუშავა, რაც „ლეიკერსის“ ისტორიაში სარეკორდო შემოსავალია და მათ ამდენი ფული ლებრონის მაისურების გაყიდვითაც არ უშოვიათ.

სეზონის სტარტზე რამდენიმე მატჩის სუსტად ჩატარების შემდეგ, „ლეიკერსმა“ ბრონი NBA-ს განვითარების ლიგაში გაუშვა და რამდენიმე დღის წინ „ფინიქს სანსთან“ შეხვედრაში იმდენად ჩინებულად ითამაშა, რომ დაგროვებული ქულების რაოდენობით კარიერის საუკეთესო მაჩვენებელი დააფიქსირა. უმცროსმა ჯეიმსმა 30 ქულასან ერთად, 3 მოხსნასა და 2 შედეგიან გადაცემას მოუყარა თავი.

შეგახსენებთ, რომ 22 ოქტომბერს, ლებრონ და ბრონი ჯეიმსების მონაწილეობით NBA-ში ადგილი ისტორიულ ფაქტს ჰქონდა და ერთი გუნდის შემადგენლობაში მამა-შვილმა პირველად ითამაშა.