„ჯარიმის გარეშე მისი გაჩერება შეუძლებელია“ - ქლევერლი ჩაკვეტაძეზე

„უოტფორდის“ მთავარმა მწვრთნელმა, ტომ ქლევერლიმ „ვესტ ბრომვიჩთან“ გამარჯვების შემდეგ განვლილი მატჩი შეაფასა და გიორგი ჩაკვეტაძის შესახებაც ისაუბრა.

რას ამბობს ქლევერლი:

„მოხარული ვარ გუნდის გაბედული თამაშით. ფეხბურთელები მოედანზე ერთმანეთს ბრწყინვალედ უგებდნენ. იმის მიუხედავად, რომ ფურცელზე ჩვენი გუნდი საკმაოდ ახალგაზრდული და შემტევი იყო, პოზიციებს შორის ბალანსი კარგად იყო დაცული. ვიცოდით, რომ წინ რთული მეტოქე გვედგა, რადგან მათ 12-მატჩიანი წაუგებელი სერია ჰქონდათ, ამიტომ ძალიან ბედნიერი ვარ იმით, თუ როგორ ითამაშა გუნდმა ასეთი მოწინააღმდეგის წინააღმდეგ“.

„გიორგი ძალიან პროდუქტიული იყო. თუ ნახეთ, ისინი მას მხოლოდ წესების დარღვევით აჩერებდნენ. მუდმივად მაისურით იჭერდნენ და ატრიალებდნენ, რაც ჩვენთვის ცუდად სანახავი იყო“.

ქართველი შემტევმა „ვესტ ბრომვიჩის“ წინააღმდეგ შეუცვლელად ითამაშა და თავის გუნდში ერთ-ერთი გამორჩეული მატჩი ჰქონდა. ჩაკვეტაძე მთელი მატჩის განმავლობაში აქტიურობდა და ჩვეულ რეიდებს გვთავაზობდა, რის გამოც ორივე გუნდის შემადგენლობაში ერთ-ერთი ყველაზე მაღალი შეფასება დაიმსახურა.

21 ტურის შემდეგ, „უოტფორდი“ ჩემპიონშიფის სატურნირო ცხრილში 34 ქულით მე-7 ადგილზე იმყოფება, თუმცა კონკურენტებთან შედარებით ერთით ნაკლები მატჩი აქვს გამართული. გიორგი ჩაკვეტაძემ მიმდინარე სეზონში ჩემპიონშიფის ყველა მატჩში მიიღო მონაწილეობა და მის ანგარიშზე 1 გოლი და 4 საგოლე გადაცემაა. 

მომდევნო ტურში „უოტფორდი“ სტუმრად „ბარნლის“ დაუპირისპირდება. მატჩი 21 დეკემბერს, თბილისის დროით 19:00 საათზე გაიმართება.