ქართველი ერი არასდროს შეწყვეტს თავისუფლებისთვის ბრძოლას | საგინაშვილი გამარჯვების შემდეგ

EAST vs WEST-ის ღონისძიებაზე 36 წლის ქართველმა მკლავჭიდელმა ლევან საგინაშვილმა ლეგენდარული ჯერი კადორეტე უშანსოდ დაამარცხა. როგორც კომენტატორებმა აღნიშნეს, ლევანმა მეტოქეს ნამდვილი მასტერკლასი ჩაუტარა, ოთხივე რაუნდი ქართველის გამარჯვებით დასრულდა.

ლევანი: „მადლობა ყველას, მადლობა ჯერის. მომზადება ადვილი არ იყო, ბევრი ვიშრომე. მადლობა ჩემი გუნდის თითოეულ წევრს, მადლობა ქართველებო. დიდი მადლობა რომ შეწუხდით და მოხვედით, ძალიან დიდი ძალა მომეცით''.

ამ შეხვედრამდე ლევანმა მაჯის ტრავმა მოიშუშა და უმნიშვნელოვანეს დაპირისპირებას სრულ მზადყოფნაში შეხვდა.

ასევე გეტყვით, რომ ლევან საგინაშვილი ამერიკაში პირველად გამოვიდა.

საგინაშვილი და კადორეტე ერთმანეთს დაპირისპირებამდე რამდენიმე დღით ადრე შეხვდნენ და ისაუბრეს. ვიდეო ორგანიზაციის გვერდმა გამოაქვეყნა.