დიდებული გამარჯვება | საგინაშვილმა ლეგენდარული კადორეტე გაანადგურა

EAST vs WEST-ის ღონისძიებაზე 36 წლის ქართველმა მკლავჭიდელმა ლევან საგინაშვილმა ლეგენდარული ჯერი კადორეტე უშანსოდ დაამარცხა. როგორც კომენტატორებმა აღნიშნეს, ლევანმა მეტოქეს ნამდვილი მასტერკლასი ჩაუტარა, ოთხივე რაუნდი ქართველის გამარჯვებით დასრულდა.

აღსანიშნავია რომ შეხვედრას ბევრი ქართველი ესწრებოდა და შეხვედრის მიმდინარეობისას ქართველი მკლავჭიდელი დიდ მხარდაჭერას გრძნობდა.

მათი დაპირისპირება პირველად შედგა.

ამ შეხვედრამდე ლევანმა მაჯის ტრავმა მოიშუშა და უმნიშვნელოვანეს დაპირისპირებას სრულ მზადყოფნაში შეხვდა.

ასევე გეტყვით, რომ ლევან საგინაშვილი ამერიკაში პირველად გამოვიდა.

საგინაშვილი და კადორეტე ერთმანეთს დაპირისპირებამდე რამდენიმე დღით ადრე შეხვდნენ და ისაუბრეს. ვიდეო ორგანიზაციის გვერდმა გამოაქვეყნა.

ასევე გეტყვით, რომ მიმდინარე წლის აპრილში თურქეთის ქალაქ სტამბოლში მკლავჭიდში ერთ-ერთი ყველაზე პრესტიჟული ტურნირი East & West 12 გაიმართა, ღონისძიების მთავარი ბრძოლა კი ლევან საგინაშვილისა და დევონ ლარატის დაპირისპირება იყო. როგორც მოსალოდნელი იყო, ქართველმა „ჰალკმა“ მეტოქე აბსოლუტური დომინაციით 4:0 დაამარცხა და მსოფლიო ჩემპიონის ქამარსაც დაეუფლა.