იანისი: „ჩემნაირი არავინ არის“

უკანასკნელი წლების განმავლობაში NBA-ს რეგულარული გათამაშების MVP-ის ტიტულის მოპოვების მთავარ კანდიდატებად ნიკოლა იოკიჩი და იანის ანტენტოკუმპო ითვლებიან და ბრძოლა ძირითადად „დენვერისა“ და „მილუოკის“ ლიდერებს შორის მიმდინარეობს. რამდენად მნიშვნელოვანია საუკეთესოობისთვის ბრძოლაში საკუთარი ქარიზმის მაქსიმალურად შენარჩუნება, ამასთან დაკავშირებით „ბაქსის“ ბერძენმა ლიდერმა საინტერესო კომენტარი გააკეთა.

რა თქვა ანტენტოკუმპომ

მეორე იანისი არ ყოფილა და არც იქნება. სპორტის ამ სახეობის ისტორიაში ჩემნაირი არავინ იყო და არც მგონია, რომ როდესმე გამოჩნდება. საერთოდ არაფრის კოპირებას არ ვაპირებ კევინ დურანტისგან, ლუკა დონჩიჩისგან და შეი გილჯეს-ალექსანდერისგან. მათთან კონკურენციაში რისთვის შევდივარ? იმისთვის, რომ საკუთარი თავის საუკეთესო ვერსია ვიპოვო და არა იმიტომ რომ მათ რამენაირად დავემსგავსო.

წლევანდელ სეზონში 30 წლის ბერძენმა კალათბურთელმა 22 შეხვედრაში ითამაშა და საშუალოდ 32,7 ქულას, 11,4 მოხსნას და 6 შედეგიან გადაცემას აგროვებს. „მილუოკი“ კი აღმოსავლეთ კონფერენციაში 13 მოგებითა და 11 წაგებით მეექვსე ადგილზეა.