„სიტი ევროპაში საუკეთესო კლუბია“ | გიორგი ქინქლაძე პეპ გუარდიოლას აქებს

ლეგენდარული ქართველი ფეხბურთელი, გიორგი ქინქლაძე Talksport-ის სტუმარი იყო და „მანჩესტერ სიტიზე“ ილაპარაკა. „ქინქის“ თქმით, „სიტი“ ევროპაში საუკეთესო გუნდია, პეპ გუარდიოლა - ყველა დროის საუკეთესო მთავარი მწვრთნელი.

„სიტი საოცარ ფეხბურთს აჩვენებს და პირადად ჩემთვის, ევროპაში საუკეთესო გუნდია. როგორც კი ბურთს კარგავენ, ეგრევე მის დაბრუნებას ცდილობენ, შემტევი სტილი აქვთ და შესანიშნავი ფეხბურთელები ჰყავთ.

რა აზრის ვარ მანჩესტერულ დერბიზე? ვფიქრობ, სიტი გაიმარჯვებს და 3:1-ს მოვიგებთ. ქალაქელებს ყველა დროის საუკეთესო მთავარი მწვრთნელი, პეპ გუარდიოლა ჰყავთ. ვინი ჯონსის წინააღმდეგ თამაში? ეს არასდროს დამავიწყდება. სანამ მოედანზე გავიდოდით, ჩხუბს უკვე გვირაბში იწყებდა“.

შეგახსენებთ, რომ ქინქლაძემ „სიტის“ რიგებში 121 შეხვედრა ჩაატარა. ქართველმა ლეგენდამ მოედანზე 10 471 წუთი გაატარა და მის ანგარიშზე 22 გოლი და 5 შედეგიანი გადაცემაა.