„ჩვენი გზები ბევრჯერ გადაკვეთილა“ - მადრიდული გამოცემა საქართველოს ნაკრებზე
კიდევ ერთი ოცნების ასრულებაზე, მსოფლიოს ჩემპიონატზე მოხვედრაზე ზრუნვას საქართველოს ნაკრების ფეხბურთელები 2025 წლის სექტემბრიდან შეუდგებიან. საკვალიფიკაციო ეტაპის E ჯგუფში ქართველი მოთამაშეები ესპანეთი-ნიდერლანდების წყვილის საუკეთესოს, თურქეთის და ბულგარეთის ნაკრებს შეხვდებიან. მართალია, მათ ჯერ მეტოქეების შესახებ ზუსტად არ იციან, მაგრამ ცნობილ მადრიდულ გამოცემა AS-ში ჩვენი ქვეყნის ეროვნულ გუნდზე პატარა შეფასება დაიწერა.
რას წერენ საქართველოს ნაკრებზე
საქართველოს ეროვნული გუნდი ესპანეთის ნაკრებისთვის კარგად ნაცნობი მეტოქეა. ჩვენი გზები ბევრჯერ გადაკვეთილა და „ფურია როხას“ უპირატესობა აშკარაა. ქართველებს ჩვენთვის კარგად ნაცნობი გიორგი მამარდაშვილისა და „ნაპოლის“ ვარსკვლავის ხვიჩა კვარაცხელია სახით გამოკვეთილი ლიდერები ჰყავთ და პირველ რიგში ყურადღების გამახვილება მათზე ღირს.
„სელესიონის“ წინააღმდეგ აქამდე გამართულ 8 შეხვედრაში „ჯვაროსნებმა“ 5 გოლი გაიტანეს - ორი ბურთი ხვიჩა კვარაცხელიას ანგარიშზეა, თითოჯერ თავი თორნიკე ოქრიაშვილმა და გიორგი ჩაკვეტაძემ გამოიჩინეს, ერთხელ კი ავტოგოლი გავიდა.
