შენგელიას ორმაგი დუბლი, კლაიბერნის სასწაული | ვირტუსმა ბასკონიას მოუგო
ევროლიგის მე-15 ტურში, თორნიკე შენგელიას „ვირტუს ბოლონია“ ქართველი კალათბურთელის ყოფილ გუნდს, „ბასკონიას“ დაუპირისპირდა. იტალიელებმა საოცარი შეხვედრა მოიგეს და მატჩში 1 ქულით, 82:81 იმარჯვეს.
საფინალო სირენამდე 4.5 წამით ადრე, „ვირტუს ბოლონია“ 3 ქულით აგებდა. იტალიელთა ლიდერობა საკუთარ თავზე ვილ კლაიბერნმა აიღო, რომელმაც სამქულიანით ანგარიში გაათანაბრა და მეტოქეს ჯარიმა მიაღებინა, რომელიც გამოიყენა და 4-ქულიანი შეტევა გააკეთა.
WILL CLYBURN WITH THE 3+1 FOR VIRTUS BOLOGNA WIN IN VITORIA
— Matteo Andreani (@matty_vanpersie) December 12, 2024
???????????????? pic.twitter.com/aR14VlFwiT
შეხვედრის MVP სწორედ კლაიბერნი გახდა, რომელმაც 23 ქულა დააგროვა. შენგელიას ორმაგი დუბლი ჰქონდა - 16 ქულა, 10 მოხსნა, 3 შედეგიანი გადაცემა. თორნიკემ 13-დან 3 ორქულიანი, 4-დან 2 სამქულიანი და 4-დან 4 საჯარიმო სროლა გამოიყენა.
15 თამაშის შემდეგ, „ვირტუს ბოლონიას“ 3 მოგება და 12 წაგება აქვს და სატურნირო ცხრილის ბოლოსწინა ადგილს იკავებს. იტალიელები ევროლიგაზე მომდევნო შეხვედრას 18 დეკემბერს, „ოლიმპიაკოსთან“ გამართავენ.
