Crystalbet ეროვნული ლიგის პლეიოფი - სიონი გაგრას დაუზავდა
Crystalbet ეროვნული ლიგის პლეიოფში „სიონი“-„გაგრას“ ორმატჩიანი დაპირისპირების პირველი მატჩი შედგა - ბოლნისში, თამაზ სტეფანიას სახელობის სტადიონზე გამართული შეხვედრა ფრედ, 1:1 დასრულდა.
პირველი ტაიმის მიწურულს მასპინძლები თამაზ მაქაცარიამ დააწინაურა, რომელმაც 44-ე წუთზე ნიკოლოზ ნოზაძის პასის შემდეგ ახლო მანძილიდან დარტყმით გახსნა ანგარიში.
სტუმრებმა ანგარიშის გათანაბრება უკვე მეორე ტაიმის მიწურულს, 83-ე წუთზე შეძლეს - ბოლნისელთა მეკარის, ლევან ისიანის არადამაჯერებელი თამაშის შემდეგ გოლი „გაგრას“ კამერუნელმა ლეგიონერმა, სირილ ჩამბამ გაიტანა.
დღესვე Crystalbet ეროვნული ლიგის პლეიოფის კიდევ ერთი მატჩი გაიმართება, რომელშიც „თელავი“ „რუსთავს“ უმასპინძლებს. პლეიოფის განმეორებითი მატჩები კი 16 დეკემბერსაა ჩანიშნული.
