მესი: “იამალს დიდი მომავალი აქვს“

იმ კრიზისის ფონზე, რაც ბარსელონაში გასულ წელს სუფევდა, ლამინ იამალი ნამდვილი იმედი აღმოჩნდა. ესპანელი ფეხბურთელი დღევანდელი ფორმაციის ბლაუგრანას ლიდერია და მის გარეშე კატალონიური გრანდი წარმოუდგენელია.

ბარსას ყოფილმა ფეხბურთელმა ლეგენდარულმა ლიონელ მესიმ, იამალის შესახებ ისაუბრა და მას დიდი მომავალი უწინასწარმეტყველა.

მესი:

„ლამინ იამალის შესახებ ბევრი ძალიან კარგი რამ გავიგე. როგორც ის მუშაობს, ეჭვგარეშეა, რომ დიდ წარმატებას მიაღწევს. მასზე ბევრი რამ არის დამოკიდებული. ის უკვე აწმყოს ნაწილია და უდავოდ, წინ დიდი მომავალი აქვს.“

შეგახსენებთ, რომ იამალი ბარსელონას გაზრდილი გახლავთ, პირველ გუნდში დებიუტი კი 2023 წელს ჰქონდა.

2023 წლიდან დღემდე, 17 წლის გარემარბმა ბლაუგრანას მაისური ყველა ტურნირზე ერთად 70-ჯერ მოირგო, 13 გოლი გაიტანა და 20 საგოლე გადაცემა შეასრულა.