სლოტი: ალისონი მსოფლიოში საუკეთესო მეკარეა
„ლივერპულის“ მთავარმა მწვრთნელმა, არნე სლოტმა „ჟირონასთან“ მატჩის შემდეგ, ალისონის თამაში შეაფასა.
ბრაზილიელმა მეკარემ ტრავმის გამო, 5 მატჩი გამოტოვა.
„შეიძლება თანაგუნდელებს უნდოდათ დარწმუნებულიყვნენ, რომ ალისონი ნამდვილად ფორმაშია, ამიტომაც მას ბევრი სამუშაო მისცეს. არ ვფიქრობ, რომ ვინმესთვის ამის მტკიცებაა საჭირო - ყველამ კარგად იცის, რომ ალისონი მსოფლიოში საუკეთესო მეკარეა“, - თქვა სლოტმა.
ჩემპიონთა ლიგის მეექვსე ტურის შეხვედრაში „ლივერპულმა“ სტუმრად „ჟირონა“ 1:0 დაამარცხა და მერვედფინალის საგზური გაინაღდა.
შეგახსენებთ, რომ ზაფხულში „ლივერულმა“ გიორგი მამარდაშვილი 35 მილიონად შეიძინა და ერთწლიანი იჯარით „ვალენსიაში“ დატოვა. მამარდა მერსისაიდულ კლუბს მომავალი წლის ზაფხულში შეუერთდება.
