16 ქულა და 4 მოხსნა - შერმადინის ტენერიფეს ზედიზედ მე-5 გამარჯვება
კალათბურთში, ჩემპიონთა ლიგის მე-5 ტურში „ტენერიფემ’’ „ქარშიაქა’’ 85:82 დაამარცხა.
გამარჯვებულთა ქართველი მოთამაშე გიორგი შერმადინი სასტარტო ხუთეულში არ იმყოფებოდა, პარკეტზე 22 წუთი გაატარა, მის აქტივში 16 ქულა და 4 მოხსნაა.
You are SHERMADINI'ED ????#BasketballCL | @CB1939Canarias pic.twitter.com/Ln35EgVD12
— Basketball Champions League (@BasketballCL) December 10, 2024
ამ შეხვედრაში ყველაზე მეტი ქულა თურქული კლუბის 36 წლის ამერიკელმა მოთამაშემ, ერიკ მაკოლუმმა ჩააგდო, მის აქტივში 27 ქულაა. შერმადინის თანაგუნდელთაგან ყველაზე შედეგიანი ბრაზილიელი მარსელო ჰუერტასი იყო, 18 ქულით დაეხმარა ესპანურ გუნდს.
„ტენერიფემ’’ ჯგუფურ ეტაპზე ხუთი მატჩი გამართა, ყველა მოიგო და 10 ქულით C ჯგუფის ლიდერია. დასკვნით ტურში „კოლოსს’’ მიიღებს, რომელსაც ჯერ გამარჯვება არ მოუპოვებია, 4-ვე მატჩი დათმო.
