უცნაური სტატისტიკა პრემიერ ლიგაში - ანტონი ფილ ფოდენს ჯობნის

თანამედროვე ფეხბურთში მანჩესტერ იუნაიტედის მოთამაშეს ანტონის საკმაოდ ბევრი ადამიანი დასცინის.

რეალურად, ბრაზილიელმა შემტევმა მასში გადახდილი 100 მილიონი ევრო ვერ გაამართლა და წითელ ეშმაკებში ვერ ადაპტირდა.

გავლენიანი ბრიტანული სპორტული გამოცემა Sky Sports მიმდინარე სეზონის პრემიერ ლიგის საინტერესო სტატისტიკას გვთავაზობს, რომლის მიხედვითაც, ანტონი მანჩესტერ სიტის სუპერვარსკვლავს ფილ ფოდენს საშუალოდ ერთ მატჩში დაფიქსირებული შედეგით ჯობნის.

სტატისტიკა ასეთია:

პრემიერ ლიგაში უკვე 15 ტური ჩატარდა და გოლი ვერცერთმა გაიტანა. ანტონიმ 3 დიდი შანსი შექმნა, ფოდენმა კი ორი.

ბრაზილიელის პასების სიზუსტე 79%-ს უტოლდება, ხოლო ინგლისელის 68%-ია. კარში ზუსტი დარტყმები ანტონის 12% აქვს, ხოლო ფილს 10.2%. იუნაიტედის შემტევს, საგოლე მომენტების მაჩვენებელი 0.86 აქვს, ხოლო სიტის ფეხბურთელს 0.67.

შეგახსენებთ, რომ ეს სტატისტიკა დათვლილია საშუალოდ თითო მატჩში. აღსანიშნავია ის ფაქტიც, რომ ანტონიმ მიმდინარე სეზონის პრემიერ ლიგაში მხოლოდ 3 შეხვედრა ჩაატარა, ფოდენმა კი 10.