ექვსი ტიტული ბოლო ექვს წელიწადში - იბერიას მეორე ჩემპიონობა

კრისტალბეთ ეროვნული ლიგის 2024 წლის სეზონის დასკვნითი ტურის მატჩები გაიმართა. ჩემპიონმა „იბერია 1999''-მა წყალტუბოს „სამგურალთან'' 1:1 ითამაშა, ბენჟამინ ტეიდმა თბილისური გუნდი დააწინაურა, დემურ ჩიხლაძის პასით ლუკა ხორხელმა წონასწორობა აღადგინა.

„იბერია 1999'' ისტორიაში მეორედ საქართველოს ჩემპიონი გახდა, პირველად აღნიშნული ტიტული 2018 წელს მოიპოვა, როცა გუნდი „საბურთალოს'' სახელით გამოდიოდა და მთავარი მწვრთნელი გიორგი ჭიაბრიშვილი იყო.

ბოლო ექვს წელიწადში „იბერია 1999''-მა ექვსი ტიტული მოიპოვა, საქართველოს ჩემპიონატი ორჯერ მოიგო, საქართველოს თასი - სამჯერ (2019, 2021, 2023), საქართველოს სუპერ თასი - ერთხელ (2020).