talkSPORT: ალეგრიმ შესაძლოა ვესტ ჰემი ჩაიბაროს
მასიმიანო ალეგრიმ სეზონის ბოლოს, შესაძლოა „ვესტ ჰემი“ ჩაიბაროს.
როგორც talkSPORT-ი წერს, კლუბმა იტალიელ სპეციალისტთან მოლაპარაკებები უკვე გამართა, რომელიც შესაძლოა გუნდს ხულენ ლოპეტეგის ნაცვლად ჩაუდგეს.
გამოცემის ინფორმაციით, ალეგრი ამ შესაძლებლობას უკვე განიხილავს, თუმცა სეზონის ბოლოს. ეს კი იმას ნიშნავს, რომ „ვესტ ჰემის“ ხელმძღვანელობამ შესაძლოა დროებითი მწვრთნელი დანიშნოს იმ შემთხვევაში, თუ ესპანელს დაითხოვენ.
ლოპეტეგი გუნდს ამ ზაფხულს ჩაუდგა სათავეში და მას შემდეგ პრემიერ ლიგის 14 მატჩიდან მხოლოდ 4 მოიგო. ამჟამად „ვესტ ჰემი“ სატურნირო ცხრილში მე-14 ადგილს იკავებს.
