გადამჭრელი ზომები თავის გადასარჩენად - რუნიმ ძველ ნაცნობს უხმო
ფეხბურთელობისგან განსხვავებით, უეინ რუნიმ მწვრთნელის ამპლუაში საკუთარი თავის დადებითი კუთხით წამორჩენა ჯერჯერობით ვერ შეძლო, რის გამოც შესაძლოა უახლოეს მომავალში უმუშევრად დარჩეს. ყოველ შემთხვევაში მისმა მომზადებულმა „პლიმუთმა“ ბოლო 10 მატჩიდან მხოლოდ ორში გაიმარჯვა, რის გამოც 24-გუნდიან ჩემპიონშიპში 22-ე ადგილზეა და დაქვეითების სერიოზული საფრთხე ემუქრება.
კლუბის ხელმძღვანელებმა რუნის სიტუაციის გამოსასწორებლად რამდენიმე თამაში მისცეს, ამ უკანასკნელმა კი თავის გადასარჩენად გადამჭრელ ზომებს მიმართ და სამწვრთნელო შტაბი სერ ალექს ფერგიუსონის ყოფილი ასისტენტით, მაიკ ფელანით გააძლიერა. ის ცხრა წლის განმავლობაში მოღვაწეობა „იუნაიტედში“ ფერგისთან ერთად და აქედან ხუთი წელი მისი ერთ-ერთი შეგირდი უეინიც იყო. 2022 წლიდან კი, ანუ მას შემდეგ რაც „მანიუ“ დატოვა, ის უმუშევარი გახლდათ.
„პლიმუთის“ ჩაბარებამდე რუნი სხვადასხვა დროს „დერბი ქაუნთის“, DC იუნაიტედსა და „ბირმინგემ სიტის“ ამზადებდა და ამ გუნდების მთავარი მწვრთნელის რანგში გამართული 173 მატჩიდან 45 მოიგო, 45 ფრედ დაასრულა და 83-ში დამარცხდა.
