შენგელია ისევ საუკეთესო იყო - „ვირტუსმა“ მოუგებელი სერია დაასრულა

იტალიის საკალათბურთო ჩემპიონატის X ტურში „ვირტუსმა“ დროებითი მწვრთნელის ნენად იაკოვლევიჩის ხელმძღვანელობით, რომელსაც რამდენიმე დღეში დუშკო ივანოვიჩი ჩაანაცვლებს, ქვეყნის მოქმედი ჩემპიონი „ოლიმპია მილანო“ სტუმრად 9-ქულიანი სხვაობით, 82:73 დაამარცხა. ეს გამარჯვება სატურნირო მდგომარეობის გარდა სხვა მხრივაც მნიშვნელოვანი გახლდათ, რადგან ბოლონიელებმა ყველა ტურნირზე 5-მატჩიანი მოუგებელი სერია დაასრულეს.

წინა შეხვედრების მსგავსად, „ვირტუსის“ რიგებში საუკეთესო თორნიკე შენგელია იყო, რომელმაც 24 წუთში 19 ქულა, 3 მოხსნა და 2 შედეგიანი გადაცემა დააგროვა. თოკომ ორიდან ერთი სამქულიანი, ათიდან ხუთი ორქულიანი და რვიდან ექვსი ორქულიანი ჩააგდო. მან ბურთი ორჯერ დაცვაში, ერთხელ კი შეტევაში მოხსნა, სამი პერსონალური ჯარიმა მიიღო და მატჩი 1 ჩაჭრითა და 1 დაფარებით დაამთავრა.

8 მოგებითა და 2 წაგებით ბოლონიური კლუბი იტალიის სერია A-ში მეორე ადგილზეა. ახალი მთავარი მწვრთნელის დუშკო ივანოვიჩის დებიუტი კი, რომლის ხელმძღვანელობითაც შენგელია 2020 წელს „ბასკონიაში“ თამაშისას ესპანეთის ჩემპიონი გახდა, სწორედ ამ გუნდის წინააღმდეგ 12 დეკემბერს შედგება.