ლოს-ანჯელეს გელექსი ჩემპიონია - ისტორიული ტიტული მარკო როისისთვის
2024 წლის სეზონის MLS დასრულდა. ჩემპიონი ლოს-ანჯელეს გელექსი გახდა. ეს ჩემპიონობა კი მარკო როისისთვის ისტორიულია.
როგორც მოგეხსენებათ, გერმანელი ფეხბურთელი დორტმუნდიდან წასვლის შემდეგ, ამერიკულ გუნდში გადავიდა, სადაც თავის კარიერაში პირველად იზეიმა ქვეყნის ჩემპიონობა.
როგორ უცნაურადაც არ უნდა ჟღერდეს, როისს აქამდე ქვეყნის შიდა ჩემპიონატი მოგებული არ ჰქონდა. ვეტერანი შემტევი ორჯერ გახდა გერმანიის თასის გამარჯვებული და ასევე ორჯერ მოიგო გერმანიის სუპერ თასი.
შეგახსენებთ, რომ როისმა დღემდე ლოს-ანჯელეს გელექსის მაისური ყველა ტურნირზე ერთად 11-ჯერ მოირგო, 1 გოლი გაიტანა და 3 საგოლე გადაცემა შეასრულა.
ასევე შეგახსენებთ, საბა ლობჟანიძის ატლანტამ ასპარეზობას ლიონელ მესის ინტერ მაიამი გამოთიშა და შემდეგ ორლანდოსთან ¼ ფინალში დამარცხდა.
Aos 35 anos, Marco Reus venceu finalmente o primeiro título de campeão nacional da sua carreira. pic.twitter.com/5YUw5O9aCr
— B24 (@B24PT) December 8, 2024
