მბაპე: “გატანილი გოლი? ეს ჩემი სამუშაოს ნაწილია“

ლა ლიგის მორიგ ტურში მადრიდის რეალმა სტუმრად ჟირონა 3:0 დაამარცხა. მესამე გოლი ცუდ ფორმაში მყოფმა კილიან მბაპემ გაიტანა. მატჩის დასრულების შემდეგ, ფრანგმა სუპერვარსკვლავმა ჟურნალისტებთან ისაუბრა.

რა თქვა მბაპემ?

„პირველ ტაიმში გატანილი გოლი მეორე ტაიმში ძლიერად დასაბრუნებლად ძალიან დაგვეხმარა. მატჩს მთლიანად ჩვენ ვაკონტროლებდით. ვიცოდით, რომ გამარჯვება მნიშვნელოვანი იყო. ჟირონა კარგად ორგანიზებული გუნდია, მაგრამ თამაში კარგად ისე დავიწყეთ, როგორც გვინდოდა.

გატანილი გოლი? ეს ჩემი სამუშაოს ნაწილია. დავეხმარო გუნდს გამარჯვებაში. ჯუდ ბელინგემი წარმოუდგენლად მაგარი ფეხბურთელია. მის გვერდით თამაში სიამოვნებაა. დიდებული მატჩი ჰქონდა მასაც, არდა გიულერსაც და ბრაჰიმ დიასსაც. დღევანდელი გამარჯვებით კმაყოფილები ვართ.

ატალანტასთან მატჩი? ეს ჩემპიონთა ლიგაა და ადვილი მოწინააღმდეგე არ არსებობს. უნდა მოვიგოთ, რადგან ბოლო შეხვედრა დავთმეთ. ბრძოლისთვის მზად ვართ. გამარჯვებისთვის ყველაფერს გავაკეთებთ.“

შეგახსენებთ, რომ ლა ლიგაში რეალი ბარსელონას 1 ქულით ჩამორჩება, მაგრამ სამეფო კლუბს ერთი მატჩით ნაკლები აქვს ჩატარებული. გამოტოვებული თამაშის მოგების შემთხვევაში, ბლანკოსი პირველ ადგილზე გადავა. რაც შეეხება ჩემპიონთა ლიგას, ანჩელოტის გუნდი 6 ქულით 24-ე ადგილს იკავებს.