მესი: “ბარსელონაში ორმა ადამიანმა ჩემზე დიდი გავლენა მოახდინა“

ლიონელ მესი ბარსელონას ისტორიაში საუკეთესო ფეხბურთელია. არგენტინელ სუპერვარსკვლავს MundoDeportivo-ს ჟურნალისტი დაუკავშირდა და ჰკითხა, თუ ვინ მოახდინა მასზე ყველაზე დიდი გავლენა ბლაუგრანაში თამაშის დროს, რაზეც ლეომ უპასუხა:

მესი:

„ასეთი ადამიანი ორი არსებობს სხვადასხვა მიზეზების გამო. პირველი, რა თქმა უნდა, პეპ გუარდიოლაა, რომელიც ჩემი მწვრთნელი იყო და მასთან ერთად ისეთ რაღაცებს მივაღწიე, რისი წარმოდგენაც კი რთული იყო. მეორე კი რონალდინიოა. მან საოცრად მიმიღო და ძალიან დამეხმარა. მწვერვალზე ასვლა სწორედ მასზე დაკვირვებით დავიწყე.

მათ გარდა ბარსელონაში არაერთი საოცარი თანაგუნდელი მყავდა, რომელთა გარეშეც წარმატება რთული იქნებოდა. ინიესტა, ჩავი, სუარესი, ბუსკეტსი, ჟორდი ალბა. ჩვენ დიდი ისტორია შევქმენით. ასევე ტიტო ვილანოვა, რომელიც ყველას ძალიან გვენატრება.“

შეგახსენებთ, რომ ლიონელ მესიმ პეპ გუარდიოლას ხელმძღვანელობის დროს 2 ჩემპიონთა ლიგა, 3 ლა ლიგა, 2 კოპა დელ რეი, 3 ესპანეთის სუპერ თასი, 2 მსოფლიოს საკლუბო ჩემპიონატი და 2 ევროპის სუპერ თასი მოიგო.