„რონალდუ არ გვჭირდება, სამი კარგი ფორვარდი გვყავს“ - მოურინიო
სტამბულის „ფენერბაჰჩეს“ პორტუგალიელმა თავკაცმა, ჟოზე მოურინიომ განაცხადა, რომ მისი თანამემამულე კრიშტიანუ რონალდუ თურქულ კლუბს არ შეუერთდება.
რა თქვა ჟოზე მოურინიომ:
„რონალდუ ჩვენთან არ გადმოვა. პირველი მიზეზი ისაა, რომ მე 3 ძალიან კარგი ცენტრალური თავდამსხმელი მყავს და კიდევ ერთი არ მჭირდება. კრიშტიანუ ყოველთვის კარგ ფორმაშია, მაგრამ მისი ტრანსფერი არ გვჭირდება. მე ჩემი ფორვარდებით კმაყოფილი ვარ.
საუდის არაბეთში მას საკუთარი მიზნები აქვს - გაიტანოს 1000 გოლი და ფული გამოიმუშაოს. რამ შეიძლება გადააწყვეტინოს მას თურქეთში ჩამოსვლა, სტამბულის სილამაზის გარდა? ამიტომ მე ამ ტრანსფერს არ ვეთანხმები“.
შეგახსენებთ, რომ რამდენიმე კვირის წინ თურქულ მედიაში გავრცელდა ინფორმაცია იმის თაობაზე, თითქოს „ფენერბაჰჩეს“ ხელმძღვანელობა „ალ-ნასრთან“ რონალდუს ტრანსფერის თაობაზე მოლაპარაკებებს მართავს და მისი სტამბულში ხილვა პირადად ჟოზე მოურინიოს სურს.
