„ვინ არის ეს ბიჭი?“ - რონალდუ ვან დერ ვაარტზე

ლეგენდარულმა ნიდერლანდელმა ფეხბურთელმა, რაფაელ ვან დერ ვაარტმა კრიშტიანუ რონალდუზე ილაპარაკა, რომელიც წარსულში თავისი თანაგუნდელი იყო.

მისი თქმით, პორტუგალიელი საშინლად ეგოისტი იყო.

„თუ ჩვენ 6:0 ვიგებდით და რონალდუს გოლი არ ჰქონდა გატანილი, ის უკმაყოფილო იყო. თუ ჩვენ ვაგებდით და მას 2 გოლი ჰქონდა გატანილი, ეს მისთვის ნორმალური იყო. იგივე ხდებოდა რუუდ ვან ნისტერლოისთან დაკავშირებითაც. მე მასთან ბევრს ვურთიერთობდი და ყოველთვის ამბობდა: მე ჩემი გოლები მჭირდება“, - თქვა ვან დერ ვაარტმა.

მის ამ განცხადებას რონალდუ სოციალურ ქსელში გამოეხმაურა და პოსტის ქვეშ მსგავსი კომენტარი დაწერა: „ვინ არის ეს ბიჭი?“.

შეგახსენებთ, რომ ვან დერ ვაარტი და რონალდუ ერთად „რეალში“ 2009/10 წლების სეზონის განმავლობაში თამაშობდნენ.