ფუტსალი | ევროპის ჩემპიონატის საკვალიფიკაციო ეტაპი - საქართველო კოსოვოსთან იწყებს

სულ მალე ფუტსალში ევროპის ჩემპიონატის საკვალიფიკაციო ეტაპი დაიწყება. დღეს ცნობილი გახდა თამაშების განრიგი.

საქართველოს ნაკრები პირველ შეხვედრას საკუთარ კედლებში კოსოვოს წინააღმდეგ გამართავს.

მატჩი 13 დეკემბრით თარიღდება და თბილისის დროით 20:00-დან დაიწყება. შეგახსენებთ, რომ ფუტსალში საქართველო და კოსოვო ერთხელ უკვე შეხვდნენ ერთმანეთს და ჩვენებურებმა 6:1 გაიმარჯვეს.

მეორე ტური 18 დეკემბერს გაიმართება. ასათიანის შეგირდები საფრანგეთს ესტუმრებიან. შეხვედრა თბილისის დროით 00:15-დან დაიწყება.

დარჩენილი 4 ტურის განრიგი:

31 იანვარი - საქართველო VS ბულგარეთი
4 თებერვალი - ბულგარეთი VS საქართველო
11 აპრილი - კოსოვო VS საქართველო
16 აპრილი - საქართველო VS საფრანგეთი

აღნიშნული მატჩების დაწყების ზუსტი დრო ჯერჯერობით უცნობია.