“რეალი კარგ ფორმაშია“ - ანჩელოტი ბილბაოსთან მატჩის წინ

ლა ლიგის მორიგ ტურში მადრიდის რეალს მნიშვნელოვანი მატჩი ელის. სამეფო კლუბი სტუმრად ბილბაოს დაუპირისპირდება.

თამაშის წინ, ბლანკოსის მთავარმა მწვრთნელმა კარლო ანჩელოტიმ ჟურნალისტებთან ისაუბრა.

ანჩელოტი:

„როგორც ყოველთვის, ბილბაოსთან რთული დაპირისპირება იქნება. ჩვენ დიდებული მეტოქის წინააღმდეგ ვითამაშებთ. კარგ ფორმაში ვართ და საკუთარი თავისგან მაქსიმუმის გაკეთებას ვითხოვთ. მიზანი მოგებაა და საუკეთესო ვერსიის ჩვენება. ატლეტიკი ძალიან კარგად მუშაობს, მათ ხარისხი და ორგანიზებული გუნდი ჰყავთ.

ვინ დაარტყამს პენალტს? ბელინგემი ან მბაპე. ამას თვითონ ისინი გადაწყვეტენ მოედანზე. ეს არ არის კამათის საგანი. კილიანი დიდი ნიჭის პატრონია და გუნდისთვის ყველაფერს აკეთებს. ჩვენ ყველა ვაფასებთ მას. ვფიქრობ, ის სწორ გზაზე დგას. ჩუამენი დაბრუნდა და სათამაშოდ მზად არის.“

შეგახსენებთ, რომ მადრიდის რეალმა ბარსელონასთან 6-ქულიანი ჩამორჩენა აღმოფხვრა. მეტიც, სამეფო კლუბს ბარსელონაზე 1 მატჩით ნაკლები აქვს ჩატარებული და მოგების შემთხვევაში ბლაუგრანას 2 ქულით გაასწრებს.

ცნობისთვის, ბილსაოსა და მადრიდის რეალის მომავალი დაპირისპირება 4 დეკემბრით თარიღდება და თბილისის დროით 23:55-დან დაიწყება.