ხორხე მასვიდალმა ოქტაგონში დაბრუნება დააანონსა
ნახევრად საშუალო წონითი დივიზიონის მებრძოლმა, ხორხე მასვიდალმა ოქტაგონში დაბრუნება დააანონსა. ამის შესახებ მან პოდკასტ Fight Back-ზე ისაუბრა.
„UFC-ში მომავალი წლის აპრილში დავბრუნდები. ჯერჯერობით მეტოქე არ მყავს. იმედია, დეკემბერში მის ვინაობას გავიგებ. ვბრუნდები: 2025 წლის აპრილი, მაიამის ქარდი“.
შეგახსენებთ, რომ ხორხე მასვიდალი 40 წლისაა. ამერიკელი მებრძოლი UFC-ის ეგიდით 2013-დან 2023 წლამდე ჩხუბობდა.
ამ პერიოდის განმავლობაში მასვიდალმა ორჯერ იჩხუბა ქამრისთვის, მაგრამ ორივეჯერ ნიგერიელ კამარუ უსმანთან დამარცხდა.
აქვე გეტყვით, რომ სხვადასხვა დროს მასვიდალს ნეიტ დიაზი, ბენ ასკრენი, დარენ ტილი, დონალდ სერონე და მაიკლ კიეზა ჰყავს დამარცხებული.
