„ვიგრძენით, რომ ეს კარგი შანსი იყო“ - სლოტი მამარდას ტრანსფერზე

„ნიუკასლთან“ მატჩის წინ „ლივერპულის“ მთავარმა მწვრთნელმა, არნე სლოტმა სხვადასხვა საკითხზე, მათ შორის უახლოეს სატრანსფერო პერიოდში კლუბის გეგმებზე და „ვალენსიაში“ იჯარით მოთამაშე გიორგი მამარდაშვილზე ისაუბრა.

რა თქვა სლოტმა:

„ყოველდღე ვსაუბრობთ იმაზე, როგორ შეიძლება გუნდის გაძლიერება, მიუხედავად იმისა, ახლოვდება თუ არა სატრანსფერო პერიოდი. სამწუხაროა, რომ ამჟამად 3 მცველი ვერ გვეხმარება, თუმცა მე არაერთხელ მითქვამს სეზონის დასაწყისში, რომ კმაყოფილი ვარ იმ შემადგენლობით, რომელიც მყავს.

როდესაც კარგი ტრანსფერის შესაძლებლობა გვეძლევა, კლუბი ამით სარგებლობს. ასე მოვიქეცით მეკარის პოზიციასთან დაკავშირებით [მამარდაშვილის შემთხვევაში], რომელიც ახლა ჩვენთან არაა, მაგრამ ჩვენ ვიგრძენით, რომ ეს კარგი შანსი იყო. რიჩარდ ჰიუზი და მაიკლ ედვარდსი მუშაობენ ამ მიმართულებით, თუმცა მთავარი ყურადღება გადატანილი გვაქვს „ნიუკასლზე“, „ევერტონზე“ და იმ 9 მატჩზე, რომელიც წინ გველოდება“.

შეგახსენებთ, რომ ზაფხულში „ლივერულმა“ გიორგი მამარდაშვილი 35 მილიონად შეიძინა და ერთწლიანი იჯარით „ვალენსიაში“ დატოვა. მამარდა მერსისაიდულ კლუბს მომავალი წლის ზაფხულში შეუერთდება.