უიტეკერი: ჩიმაევი დივიზიონის TOP ხუთეულის უმრავლესობისთვის კოშმარი გახდება
UFC-ის საშუალო წონითი დივიზიონის ყოფილმა ჩემპიონმა, რობერტ უიტეკერმა თავის პოდკასტში MMArcade ხამზატ ჩიმაევზე ილაპარაკა.
ავსტრალიელი მებრძოლი მიიჩნევს, რომ მისი რუსი ყოფილი მეტოქე საჩემპიონო ბრძოლას იმსახურებს.
„მაინტერესებს, შემდეგში რას იზამს. ვფიქრობ, რომ ხამზატი დივიზიონის TOP ხუთეულის უმრავლესობისთვის კოშმარი გახდება, რადგან არ ვიცი, როგორ უნდა შეაჩერო მისი თეიქდაუნი. ვფიქრობ, ის დრიკუს დუ პლესთან უნდა გავიდეს საბრძოლველად“, - თქვა უიტეკერმა.
შეგახსენებთ, რომ 26 ოქტომბერს, ჩიმაევმა უიტეკერი პირველივე რაუნდში დაამარცხა. რუს მებრძოლს 14 ბრძოლიდან 14-ვე მოგება აქვს.
