როდრი, იამალი, თოფურია და სხვები | ილიას AS-ის ჯილდო გადასცეს
მადრიდში, ცნობილი გაზეთის, AS-ის ყოველწლიური დაჯილდოება, Premios As del deporte გაიმართა. ავტორიტეტულმა გამოცემამ დაასახელა სპორტსმენები, კლუბები და ნაკრებები, რომლებიც 2024 წელს საუკეთესონი იყვნენ და გამარჯვებულთა შორის ილია თოფურიაც მოხვდა.
„ელ მატადორის“ გარდა, ჯილდო როდრის, ლამინ იამალს, ნიკო უილიამსს, პრიმოზ როგლიჩს (ველორბოლა), კარლოს საინსს (ფორმულა 1), ხორხე მარტინს (მოტორბოლა), ესპანეთის ეროვნულ საფეხბურთო ნაკრებს, ქალთა 3-3-ზე კალათბურთის ნაკრებს, პალმასის ფუტსალის გუნდს, „რაიო ვალეკანოს“, „რეალსა“ და „ბარსელონას“ ქალთა გუნდს გადასცეს.
„მინდა, AS-ს მადლობა გადავუხადო არა მხოლოდ იმისთვის, რომ ფსონს ჩემზე ჩამოვიდა, იმისთვისაც, რომ MMA-ზე აქცენტი თავიდანვე გააკეთა. ეს ჯილდო ჩემთვის ძალიან ბევრს ნიშნავს. რამდენიმე წლის წინ, ესპანეთში, MMA სპორტის აბსოლუტურად უცნობი სახეობა იყო, ახლა კი სიამაყით შეგვიძლია ვთქვათ, რომ ქვეყანაში ერთ-ერთი ყველაზე პოპულარული სპორტია“, - განაცხადა თოფურიამ.
შეგახსენებთ, რომ 2024 წელს, „ელ მატადორმა“ ორი ბრძოლა გამართა. ილიამ ჯერ UFC-ის ქვემსუბუქი წონითი დივიზიონის ქამარი მოიპოვა და ალექსანდრ ვოლკანოვსკი დააფინიშა, შემდეგ კი მაქს ჰოლოუეი დაანოკაუტა.
