ჩიმაევის მინიშნება - მეტოქე მალე გაირკვევა

UFC-ის დაუმარცხებელი ჩეჩენი მებრძოლის, ჰამზატ ჩიმაევის მომდევნო ბრძოლის თარიღისა და მისი მეტოქის შესახებ ჯერჯერობით არაფერი გარკვეულა. თუმცა, თავად ჩიმაევი სოციალური ქსელის საშუალებით საკმაოდ აქტიურია და მისი ბოლო პოსტი ემსახურებოდა ზუსტად იმას, რომ გულშემატკივრებისთვის მინიშნება გაეკეთებინა, თუ ვისთან მოუწევდა უახლოეს პერიოდში დაპირისპირება.

ჩიმაევმა გამოქვეყნა ამერიკის შეერთებული შტატების ახლადარჩეული პრეზიდენტის, დონალდ ტრამპის ფოტო, რომელიც თითს ვიღაცისკენ იშვერს და ამ სურათს ჩეჩენმა მებრძოლმა გვერდზე მიუდო დრიკუს დუ პლესის ოფიციალური ექაუნთი, რომელიც საშუალო წონითი დივიზიონის მოქმედი ჩემპიონია და ქამარი პირველად აგვისტოში, ისრაელ ადესანიას ძლევით დაიცვა.

ცოტა ხნის წინ გავრცელდა ინფორმაცია, რომ სამხრეთ აფრიკელი სპორტსმენი წონის შეცვლას და ალექს პერეირასთან ჩხუბს გეგმავდა, თუმცა როგორც ჩანს დუ პლესისი ჯერჯერობით საშუალო წონაში დარჩება და ქამარს მეორედ ჰამზატ ჩიმაევთან დაიცავს.