ანჩელოტი: მბაპემ უკეთ უნდა ითამაშოს, გუნდური პრობლემაც გვაქვს

კარლო ანჩელოტი კილიან მბაპეს რთულ დროს თანადგომას უცხადებს. ფრანგი ფორვარდი ჯერჯერობით მოლოდინებს ვერ ამართლებს და „პაპა კარლო“ მისგან მეტს ელის.

„მბაპეს პრობლემები ის პრობლემებია, რაც მთელს მადრიდის მთელ რეალს აქვს. ჩვენ ვცდილობთ გავხდეთ საკუთარი თავის საუკეთესო ვერსია. გუნდს პრობლემა აქვს, სტაბილურობა გვაკლია. გასაუმჯობესებლად ყველაფერი უნდა გავაკეთოთ.

მბაპეს შეუძლია უკეთ ითამაშოს, მისგან სწორედ ამას ველით, მაგრამ ჩვენ ყველას შეგვიძლია ეს გავაკეთოთ და უკეთესი გუნდი გავხდეთ.

ჩვენ უნდა გავაგრძელოთ მისი მხარდაჭერა და ვიფიქროთ, რომ ეს არის კოლექტიური პრობლემა და არა ინდივიდუალური. ლა ლიგაში გუნდის დინამიკა ბოლო ორ თამაშში საგრძნობლად გაუმჯობესდა, უნდა გავითვალისწინოთ, რომ ბევრი მოთამაშე გვაკლია“,

- განაცხადა ანჩელოტიმ.

მბაპემ ბოლო 6 შეხვედრაში მხოლოდ 1 გოლის გატანა შეძლო. ჯამში კი ამ სეზონში ყველა ტურნირზე 18 შეხვედრაში 9 გოლი და 2 საგოლე გადაცემა აქვს შესრულებული.