ანჩელოტი პირობას დებს, რომ რეალი ჩემპიონთა ლიგის ფინალში ითამაშებს
კარლო ანჩელოტიმ ჟურნალისტს განუცხადა, რომ მადრიდის „რეალი“ ჩემპიონთა ლიგის ფინალში ითამაშებს.
შეგახსენებთ, რომ სამეფო კლუბმა მეხუთე ტურის მატჩი „ლივერპულთან“ გამართა და 0:2 დამარცხდა.
ანჩელოტის გუნდმა ლიგის 5 თამაშიდან 3 წააგო და 6 ქულით სატურნირო ცხრილში 24-ე ადგილს იკავებს.
La Gazzetta dello Sport-ის ჟურნალისტმა, ალბერტო ჩერუტიმ, რომელიც იტალიელ სპეციალისტს კარგად იცნობს, ერთ-ერთ გადაცემაში თქვა, რომ თამაშის შემდეგ ანჩელოტის ეკონტაქტა.
„მისი საუკეთესო თვისება სიმშვიდეა. მე მას შეტყობინება გავუგზავნე და ვესაუბრე. კარლომ მთხოვა თქვენთვის გადმომეცა, რომ მადრიდის „რეალი“ მიუნხენში, ჩემპიონთა ლიგის ფინალში ითამაშებს“, - განაცხადა ჩერუტიმ.
