„როდესაც იტალიაში ჩამოვიდა, დიდი შთაბეჭდილება მოახდინა, ახლა კი...“ - ნაპოლის ექს-შემტევი კვარაზე

„ნაპოლის“ ყოფილმა თავდამსხმელმა, შტეფან შვოხმა იტალიურ მედიასთან ინტერვიუს დროს „ნაპოლისა“ და „რომას“ მატჩი შეაფასა და ხვიჩა კვარაცხელიას შესახებ ისაუბრა.

რას ამბობს შვოხი:

„როდესაც კვარაცხელია იტალიაში ჩამოვიდა, მან ყველაზე წარმოუდგენელი შთაბეჭდილება მოახდინა. ახლა კი საუკეთესო კვარა აღარაა და თუ მას რამდენიმე თამაშში დავიდ ნერეშისთვის მოუწევს ადგილის დათმობა, ეს პრობლემა არ იქნება. დიახ, მან ლუკაკუს გოლის დროს დი ლორენცოს კარგი პასი გაუკეთა, მაგრამ როდესაც ანაზღაურების სახით 8 მილიონ ევროს ითხოვ, მაშინ შენი თავის საუკეთესო ვერსია უნდა იყო. იმედი მაქვს, რომ ამას თავადაც ხვდება და იცის, რაც უნდა გააკეთოს“.

სერია A-ს მიმდინარე სეზონში კვარაცხელიამ „ნაპოლის“ მაისურით 13 მატჩი ჩაატარა, 5 გოლი გაიტანა და 2 საგოლე გადაცემა შეასრულა. 13 ტურის შემდეგ „ნაპოლი“ სატურნირო ცხრილში 29 ქულით პირველ ადგილზე იმყოფება, მომდევნო შეხვედრას კი 1 დეკემბერს, სტუმრად „ტორინოსთან“ გამართავს.