ქოჩორაშვილის საგოლე პასი - ლევანტემ მალაგას მოუგო

ესპანეთის ლა ლიგა 2-ის მორიგ ტურში ლევანტემ მალაგას უმასპინძლა და მძიმე ბრძოლაში 4:2 დაამარცხა.

3 ქულის მოპოვებაში თავისი წვლილი გიორგი ქოჩორაშვილმა შეიტანა, რომელიც მთელი მატჩის განმავლობაში აქტიურობდა და საკუთარი გუნდის მხრიდან გამორჩეული იყო.

ქართველმა ფეხბურთელმა, მატჩის 33-ე წუთზე რომეროს საგოლე პასი გაუკეთა და ლევანტე დაწინაურდა, თუმცა ტაიმის მიწურულს, ლორენცომ წონასწორობა აღადგინა. მასპინძლები 81-ე წუთზე კარლოს ალვარესმა გაიყვანა წინ, ხოლო საბოლოო წერტილი მსაჯის მიერ კომპენსირებულ დროში ანხელ ალგობიამ დასვა.

შეგახსენებთ, რომ ჯვაროსნების ნახევარმცველისთვის, მიმდინარე სეზონში ეს რიგით მე-3 საგოლე გადაცემა იყო.

ასევე გეტყვით, ამ მატჩის შემდეგ, ლევანტეს 26 ქულა დაუგროვდა და სატურნირო ცხრილში მე-6 პოზიციაზე აღზევდა. შემდეგ ტურში, ქოჩორას გუნდი ბურგოსს უმასპინძლებს. აღნიშნული შეხვედრა პირველი დეკემბრით თარიღდება და თბილისის დროით 21:30-დან დაიწყება.

ქოჩორას საგოლე პასი