კარგი თამაში დაუფასდა - შენგელია Serie A-ს თვის სიმბოლურში მოხვდა

მიმდინარე სეზონში თორინკე შენგელია დიდებულ ფორმაშია, რაც მისი გუნდის თამაშზეც აისახა.

ქართველ კალათბურთელს კარგი თამაში დაუფასდა და Lega Basket Serie A-ს თვის სიმბოლურ გუნდში ჯასტინ რობინსონთან, ოსვალდას ოლიშევიჩუსთან, ამადეო დელა ვალესთან და ენტონი ლემბთან ერთად მოხვდა.

შეგახსენებთ, რომ ვირტუსი მიმდინარე სეზონში შიდა ჩემპიონატში დიდებულად ასპარეზობს. ქართველი კალათბურთელის გუნდმა 8 მატჩიდან 7 მოიგო და სატურნირო ცხრილში მეორე ადგილზე იმყოფება.

რაც შეეხება შენგელიას, მისი გავლენა ბოლო მატჩებზე შთამბეჭდავია. ეროვნული ნაკრების კაპიტანი საშუალოდ 16.6, 4.6 მოხსნას და 2.3 შედეგიან გადაცემას აფიქსირებს.

ცნობისთვის, ვირტუს ბოლონია სერია ა-ს მორიგ ტურში ბრეშას ესტუმრება აღნიშნული მატჩი პირველი დეკემბრით თარიღდება და თბილისის დროით 21:15-დან დაიწყება.

Il ???????????????????? ???????????????? ???????????????????? del mese di novembre! ????
Robinson - Della Valle - Olisevicius - Lamb - Shengelia ????#TuttoUnAltroSport pic.twitter.com/V9LmXvZe6n

— Lega Basket Serie A (@LegaBasketA) November 27, 2024