სლოტი: “რეალი სხვა გუნდებზე სახიფათოა“

ჩემპიონთა ლიგის მორიგ ტურში მადრიდის რეალი განახევრებული შემადგენლობით ენფილდზე ლივერპულს დაუპირისპირდება. მატჩის წინ, მერსისაიდელთა თავკაცმა არნე სლოტმა ჟურნალისტებთან ისაუბრა.

რა თქვა სლოტმა?

„მადრიდის რეალის არის იმ კატეგორიის გუნდი, რომელსაც გამარჯვება მრავალი და სხვადასხვა გზით შეუძლია. სწორედ ამიტომ აქვთ ჩემპიონთა ლიგა 15-ჯერ მოგებული. ბლანკოსს შესანიშნავი ინდივიდუალური ფეხბურთელები ჰყავს, რომლებსაც მარტოს შეუძლიათ თამაშის ბედის გადაწყვეტა, მაგრამ ჩვენც გვყავს დიდი ფეხბურთელები. რეალთან დაპირისპირებას მოუთმენლად ველი.

თუ გაგვიმართლებს და გოლს პირველები გავიტანთ, არ უნდა დაგვავიწყდეს, რომ თამაში მსაჯის სასტვენამდე გრძელდება და არ უნდა მოვდუნდეთ. ჩვენ იმაზე ოდნავ მეტ საშიშროებას ვგრძნობ მადრიდელთა წინააღმდეგ, ვიდრე სხვა გუნდებთან შეხვედრაში.“

შეგახსენებთ, რომ კარლო ანჩელოტის განკარგულებაში დანი კარვახალი, ორელიან ჩუამენი, როდრიგო გოეში, ლუკას ვასკესი, ედერ მილიტაო და ვინისიუს ჟუნიორი არ იქნებიან.

აღნიშნული დაპირისპირება 27 ნოემბრით თარიღდება და თბილისის დროით 23:55-დან დაიწყება.