IShowSpeed VS დენ ჰუკერი | ცნობილი იუთუბერი მაგრად სცემეს

ცნობილი იუთუბერი, IShowSpeed-ი ახალ ზელანდიაში ჩავიდა და UFC-ის მებრძოლის, დენ ჰუკერის სპორტდარბაზს ესტუმრა. ჰუკერს იუთუბერის სტუმრობა გაუხარდა და IShowSpeed-ის გამოწვევასაც დათანხმდა.

IShowSpeed-მა, ვისი რეალური სახელის დარენ ჯეისონ უოტკინს ჯუნიორია, ჰუკერთან სპარინგი მოინდომა. დენს მისთვის უარი არ უთქვამს და ალბათ, მარტივად გამოიცნობთ, რომ IShowSpeed-ისთვის ყველაფერი კარგად ნამდვილად არ განვითარებულა.

სპარინგის დაწყებამდე, ცნობილმა იუთუბერმა ჰუკერს რამდენიმე პირობა წაუყენა. მან მოითხოვა, ფეხით დარტყმები აკრძალული ყოფილიყო და დენს არც მტკივნეული ან მახრჩობელა ილეთის გაკეთება ეცადა. გარდა ამისა, მათ კრივის ხელთათმანებით ისპარინგეს და არა UFC-ის ხელთათმანებით.

დენმა IShowSpeed-ი მაგრად სცემა და სოციალურ ქსელებში მომხდარის ამსახველი ვიდეო ვირუსულად გავრცელდა. სპარინგის დასრულების შემდეგ, ჰუკერმა იუთუბერი შეაქო და განაცხადა, რომ მას „რკინის კვერცხები“ აქვს.