„მის კრიტიკას უნდა მოვუკლოთ“ | იტალიელმა კომენტატორმა კვარაზე ისაუბრა
იტალიელმა კომენტატორმა, კარმინ მარტინომ ხვიჩა კვარაცხელიაზე ისაუბრა. მარტინო „ნაპოლისა“ და „რომას“ დაპირისპირებას გამოეხმაურა და განაცხადა, რომ „კვარა“ შესანიშნავი ფეხბურთელია, მაგრამ ტოპ კლასის მოთამაშის სტატუსის მისაღებად ნახტომის გაკეთება ესაჭიროება.
„კვარაცხელია შესანიშნავი ფეხბურთელია. ხვიჩა ჩემპიონია, მაგრამ ტოპ კლასის მოთამაშეთა შორის არაა. სადებიუტო სეზონში, განსხვავება შექმნა, რადგან იტალიაში არავინ იცნობდა. მეორე სეზონში, აქაურმა გუნდებმა შეისწავლეს და პრობლემები შეექმნა. შემდეგ უფრო გაუჭირდა, რადგან მეტოქეებმა იციან, რას წარმოადგენს.
ახლა ყველაფერი ხვიჩაზეა დამოკიდებული და მან გადამწყვეტი ნახტომი უნდა გააკეთოს. ალბათ, მისგან ძალიან ბევრს ველოდებოდით. 5 გოლი და 2 შედეგიანი გადაცემა აქვს გაკეთებული და რომასთან მატჩში, ნაპოლის გოლი მისი წყალობით დაიბადა. მის კრიტიკას უნდა მოვუკლოთ, რადგან მნიშვნელოვანი ფეხბურთელია“.
ცნობისთვის, სერია A-ს მიმდინარე სეზონში კვარაცხელიამ „ნაპოლის“ მაისურით 13 მატჩი ჩაატარა, 5 გოლი გაიტანა და 2 საგოლე გადაცემა შეასრულა. 13 ტურის შემდეგ „ნაპოლი“ სატურნირო ცხრილში 29 ქულით პირველ ადგილზე იმყოფება.
