ესპანეთის სასწაული | 0.4 წამში მოპარული ბურთი და ჩაგდებული სამიანი
ესპანეთის ნაკრებმა დაამტკიცა, რომ კალათბურთში ყველაფერი შეიძლება მოხდეს. ევრობასკეტის საკვალიფიკაციო ეტაპის მე-3 ტურში, „ფურია როხა“ სტუმრად სლოვაკეთს დაუპირისპირდა და საოცარი თამაში მოიგო.
შეხვედრის ძირითადი დრო ფრედ, 59:59 დასრულდა და გამარჯვებულის გამოსავლენად ოვერტაიმი დაინიშნა. საფინალო სირენამდე 0.4 წამით ადრე, სლოვაკეთი 3 ქულით იგებდა და ბურთი ჰქონდა, მაგრამ როგორღაც გააკეთა იმდენი, რომ ვერ მოიგო.
???? ???? @BaloncestoESP EMPATA con un TRIPLAZO sobre la bocina ante Eslovaquia para poner el 67-67
— Carrusel Deportivo (@carrusel) November 22, 2024
Un partido que tenía perdido por completo y en el que se veía a jugadores y banquillo locales ya con los puños en alto...
HASTA QUE SANTI YUSTA HACE ESTO ????pic.twitter.com/1JkbKKtE97
სლოვაკებმა თამაში ცუდად განაახლეს, ბურთი სანტი იუსტამ ჩაჭრა და არანორმალური სამქულიანი ჩააგდო - 67:67. ესპანეთი მეორე ოვერტაიმსაც აგებდა, მაგრამ თამაში შემოატრიალა და 76:72 იმარჯვა.
ესპანელთა მხრიდან საუკეთესო სწორედ იუსტა იყო, რომელმაც 21 ქულა და 10 მოხსნა მიითვალა. ფრან გერას 13 ქულა ჰქონდა, მიკელ სალვოს - 12. სლოვაკთა რიგებში ყველაზე მეტი, 23 ქულა ვლადიმირ ბროძიანსკიმ ჩააგდო, სიმონ კრაიჩოვიჩმა 19 ქულა გააკეთა.
